பிரபல பழம்பெரும் நடிகை எஸ்.என்.லெட்சுமி மரணம்...!
- Details
- Published on Monday, 20 February 2012 10:26
- Hits: 278
மூன்று தலைமுறை நடிகை எஸ் என் லட்சுமி மரணம். தமிழ், தெலுங்கு என பல்வேறு மொழிகளில் ஆயிரம் படங்களுக்கு மேல் நடித்த ஒரு நல்ல நடிகை. சமீபத்தில் நடந்த சூட்டிங் ஸ்பாட்டில் வழுக்கி விழுந்ததில் அவரது தண்டுவடத்தில் பலத்த அடிப்பட்டு, சென்னையிலுள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார்.
இந்நிலையில் நேற்றிரவு, அவரது உடல் கவலைகிடமாகி மருத்துவமனையிலேயே காலமானார். இவருக்கு தற்போது 85 வயதாகிறது. தன்னுடைய 6 வயதில் மேடை நாடகங்களில் நடித்த இவர் நடிப்பிற்கு பெயர் போன எம்.ஜி.ஆர், சிவாஜி, ஜெமினி கணேசன் போன்ற நடிகர்களுடன் நடித்துள்ளார். நடிகர் கமல்ஹாசனின் தீவிர ரசிகரான இவர், கமல்ஹாசனின் ஏராளமான படங்களில் நடித்துள்ளார். அதுமட்டுமின்றி ஏராளமான டி.வி சீரியல்களிலும் நடித்து வந்தார்.
நடிப்பின் மீதுள்ள ஆர்வத்தால், கடைசி வரை திருமணமே செய்து கொள்ளாத இவர், தனது அண்ணன் பேத்திகளுடன் சென்னை சாலி கிராமத்தில் வசித்து வந்தார்.
மறைந்த எஸ்.என்.லெட்சுமியின் உடலுக்கு ஏராளமான திரையுலக நட்சத்திரங்கள் அஞ்சலி செலுத்தி வருகின்றனர். எஸ்.என்.லெட்சுமியின் இறுதி சடங்கு, விருதுநகரில் உள்ள அவரது சொந்த ஊரான சென்னல்குடியில் நாளை (21.02.12) நடைபெற இருக்கிறது.
Share:
